બ્લોગ પર નિયંત્રણ ?

હવે બ્લોગ પર પણ નિયંત્રણ આવી શકે છે એવા સમાચાર આવી ગયા છે. ક્યાં, કઈ રીતે એ તો અલ્લાહ અને ઇશુ જાણે... નિયંત્રણો મુકવા હોય તો દેશમાં અન્ય ઘણી જગ્યાએ તે જરૂરી છે. પ્રથમ તો ટેલિવિઝન પર આવતી જાહેરાતો જેમનું ટાર્ગેટ બાળકો છે. બાળકોને જેમાં કોઈ જ લેવાદેવા ન હોય તેવી પ્રૉડક્ટની જાહેરાતોમાં પણ બાળકોને ઘસડી લાવવામાં આવે છે. કપડા ધોવાના પાવડરમાં પણ બાળકો. જેથી તે કહી શકે કે મમ્મી આ જ સાબુ ખરીદવો છે. દાગ અચ્છે હૈ... નુડલ્સ, ટોનિક, ચોકલેટ, કોલ્ડ્રિંક્સ, બિસ્કીટ, ટૂથપેસ્ટ, વેસેલિન, જાંગિયા, બાળોતિયાં... સ્ત્રી પુરુષના ઉપયોગની વસ્તુઓમાં બાળકો અને બાળકોને ખાવાની ચોકલેટની જાહેરાતમાં યુવતીને જોઇને મનમાં લડ્ડુ ફોડતો યુવાન. દો રૂપયમે દો લડ્ડુ. રિયાલિટી શો(ખાસ કરીને બાળકોના) માં જેના અર્થની પણ સમજ ન પડે એવી ગંભીર ગઝલો ગવડાવવામાં આવે છે જે અપ્રાકૃતિક છે. મુન્ની બદનામ હુઇ જેવા ગીતો પર નિયંત્રણ કેમ નહીં? જેનું નામ મુન્ની હોય તેને આ ગીત સાંભળી કેવી ફિલિંગ થતી હશે?